I helga har det vore julehelg på Vidsyn. Så kjekt at så mange tok turen innom Vidsyn denne helga. Fredag den 24.november kom Hallvard Oppedal, ordførar i Gulen kommune, innom Vidsyn for å opne peparkakelandsbyen. Vi vil takke alle som har bidrege til at peparkakelandsbyen vart ein realitet, vi har fått god hjelp frå både barnehagar, skular og privat personar. Det har komme inn heile 27 bidrag, som alle er utruleg flotte. Peparkakelandsbyen vil verte open i heile desember, og så vert det kåring av dei beste bidraga 16.desember. Her vert det kåring av det beste bidraget frå skular/barnehagar og det beste bidraget som er sendt inn av privat personar. Denne helga var det også julemarknad kor både butikkane på Vidsyn deltok, samt utsillarar utanfrå. Det var tilsaman 9 utstillarar som solgte varer på marknaden, og fleire som fekk handla julegåver og anna hos dei. På laurdagen kom også nissen, ungane som var tilstades var svært fornøgd med besøket, og at han hadde med noko godt til alle i sekken sin. Takk for alle som stakk innom Vidsyn denne helga, og alle som deltok til at dette vart ein triveleg helg. 

Det vert julehelg på Vidsyn den 24. - 26.nov. Her vert det mange gode tilbod og kjekke juleaktivitetar som t.d. julemarknad, nissebesøk, opning av peparkakelandsby m.m. Ta turen innom Vidsyn denne helga! Tiboda denne helga ser du under.

16.november var det Damens Aften på Vidsyn. Dagen vart ein suksess, det var heile 58 damer som tok turen til Vidsyn denne dagen. Solgul Blomst hadde blomsterdekorasjonskurs og sal av blomster, Vidsyn hotell og restaurant serverte tapas, Go'foten fotterapi solgte varer, Klinikk Skogen hadde med seg Marianne Taule som er sminkør og solgte sminke og andre hudpleieprodukt, Jasmin Massajse solgte gåvekort på massasje, Naudsynt solgte varer som t.d. maling, garn og julepynt,  Beat stod for musikken og Gøril Sætre stod for fotografering. Elles hadde vi trekning av "goodiebags " og  blomsterdekorasjonar frå Solgul .Takk til alle som deltok og gjorde kvelden perfekt!  Vi gleder oss  allereie til neste gong.